Nú þykir mér týra

Þegar ég vaknið í morgun leit ég á hina 30 ára gömlu útvarpsklukku á náttborðinu. Grænu tölustafirnir, sem lýsa á mig allar nætur, lýstu ekki. Ég kveikti ljósið og það logaði ljósblá týra á perunni. Óhugnaleg birta. Slökkti strax á lampanum og kallaði á hjálp.

Ég heyrði því fleygt að fólk hér í þorpinu hafi haldið að það væri að koma heimsendir vegna þessarar torkennilegu birtu. Mér datt reyndar í hug gasklefar.

Háspennan var farin af hálfri Reykjabrautinni, var mínum elskulega tjáð, þegar hann hringdi í Rafmagnsveiturnar til að athuga málið. Rafmagnið fór svo af fleiri götum, í gamla bænum, örlitlu síðar.

Klukkan hringdi ekki og þar af leiðandi var ég of sein í sund. Ég fór þó upp í sundlaug, til að skola af mér nóttina, tuttugu mínútum fyrir átta og var mætt fyrir átta í vinnuna. Mér finnst það þrekvirki, því ég er alltaf síðust af sundfélögunum mínum út úr klefunum á morgnanna.

Í kvöld ákvað ég að horfð á síðari hálfleik, Ísland - Pólland,  í Sjónvarpinu í kvöld. Það er alltaf verið að spyrja mig, hvort ég fylgist ekki með handboltanum. Ég hef bara ekki nennt að horfa á leikina, eða haft öðrum hnöppum að hneppa. Hef látið duga að athuga stöðuna annað slagið á meðan á leik stendur.

Tilgangurinn með glápinu í kvöld var líka að kíkja á strákana. Reyna átta mig á leikmönnunum sem allir eru að tala um.

Það var gaman að horfa á leikinn. Pólverjarnir voru ekki með nein vettlingatök á strákunum okkar. Núna veit ég hverjir Ólafur, Alexander og Sigfús eru.  Ég reyni að læra fleiri nöfn í næsta leik. Annars finnst mér Alfreð Gísla flottastur. 

Athugasemdir

[Guðrún S Sigurðardóttir, 25.1.2007 kl. 22:30]

Heppin varstu að hafa þinn elskulega heima. Ég var ein og miklu hræddari en ég þori að viðurkenna.

[Sigþrúður Harðardóttir, 25.1.2007 kl. 22:35]

Mér finnst Alfreð líka flottastur...enda höfðar aldur hans meira til mín en hinna... og svo er hann að norðan

Sigga....veistu ekki líka hver Guðjón Valur er? Þú veist...íþróttamaður ársins?

[Sigþrúður Harðardóttir, 25.1.2007 kl. 22:36]

Mér finnst Alfreð líka flottastur...enda höfðar aldur hans meira til mín en hinna... og svo er hann að norðan

Sigga....veistu ekki líka hver Guðjón Valur er? Þú veist...íþróttamaður ársins?

[Sigríður Guðnadóttir, 25.1.2007 kl. 22:45]

Mig rámar eitthvað í hann. Ég held að það sé sá sem Siggi sagði að Guðný væri svolítið hrifin af. Ég veit ekki neitt um íþróttir, fletti alltaf yfir íþróttasíðurnar í blöðunum. Ókei, ég ætla að taka mig á, reyna að fylgjast örlítið með...svona yfirleitt.

[Sigþrúður Harðardóttir, 26.1.2007 kl. 15:36]

...og ertu ánægð með myndina af þér sem prýðir haus síðunnar?

[Sigríður Guðnadóttir, 28.1.2007 kl. 14:57]

Veit ekki..... mér fannst þetta svolítið fyndið þegar ég smellti, reyndar óvart, á þessa mynda.